Weigh-in-Motion (WIM) буюу хөдөлгөөн дунд жин хэмжих ухаалаг пүү систем нь ачаа тээврийн салбарт аюулгүй байдал, хяналт, замын хамгаалалтыг сайжруулахад чухал үүрэг гүйцэтгэж байна. Ачаа, тээвэр нүүрстээвэр зэрэг том оврын ачааны машины жин, эзэлхүүн зэрэг хэмжээг тухайн тээврийн хэрэгслийг зогсоох шаардлагагүйгээр хэмжих технологи манай уос төдийгүй дэлхийн хэмжээнд хөгжөөд байна.
Энэхүү хөдөлгөөн дунд хэмжигч ухаалаг пүү нь олон давуу талыг үүсгэх боломжтой.
- Даацын хяналтыг бодит цагт хэрэгжүүлэх боломж
WIM систем нь тээврийн хэрэгслийг зогсоох шаардлагагүйгээр жин, тэнхлэгийн ачааллыг бодит цагт хэмжиж, даац хэтрүүлсэн тээврийн хэрэгслийг шууд илрүүлэх боломж олгодог. Энэ нь замын хөдөлгөөний урсгалыг саатуулахгүйгээр хяналтыг хэрэгжүүлэх давуу талтай. - Замын эвдрэл, засварын зардлыг бууруулна
Хэт даацтай тээврийн хэрэгсэл нь замын эвдрэлд хамгийн их нөлөөлдөг. WIM системийг ашигласнаар даац хэтрэлтийг эрт илрүүлж, замын бүтээцэд учрах хохирлыг бууруулж, урт хугацаанд засвар үйлчилгээний зардлыг хэмнэх боломж бүрддэг. - Замын хөдөлгөөний аюулгүй байдал нэмэгдэнэ
Даац хэтрүүлсэн тээврийн хэрэгсэл нь осол гарах эрсдэлийг нэмэгдүүлдэг. WIM системийн тусламжтайгаар ийм тээврийн хэрэгслийг хянаж, ослын эрсдэлийг бууруулах, жолооч болон бусад зам ашиглагчдын аюулгүй байдлыг хангахад дэмжлэг үзүүлдэг. - Хууль сахиулах ажиллагааг автоматжуулна
WIM технологи нь дугаар таних камер (ANPR), тээврийн мэдээллийн системүүдтэй уялдан ажиллаж, торгууль, зөрчлийн илрүүлэлтийг автоматжуулах боломжтой. Ингэснээр хүний оролцоог багасгаж, ил тод, үр ашигтай хяналтын тогтолцоог бий болгодог.
Ухаалаг тээврийн системийн (ITS) чухал бүрэлдэхүүн
Энэхүү систем нь ухаалаг тээврийн систем (ITS)-ийн нэг чухал хэсэг бөгөөд өгөгдөлд суурилсан шийдвэр гаргалт, тээврийн бодлого боловсруулахад чухал мэдээллийг бодит цагт хангадаг.
